Помочь Помочь персонально

Персональная помощь

img
9 лет

Актилек

Армансыз күнім болмайды!

Бала – адамның үлкен мотиваторы. Ата-анасын алға тартып, өзгерістерге шақырып жүретін Ақтілек есімді балапанымыз туралы айтқымыз келіп отыр.

Анасы Жұлдыздың айтуы бойынша күш-қуатты осы қызынан алады. Қыз деген өзі ерекше болады емес пе? 2 ұл балама қараған кезде, өте аңғарымпаз, барлығын біліп сезіп отырады. Жасы 10-ға келсе де, «Мама мен неге жүре алмаймын? Неге осындай болып туылдым?» дегенді естімеппін. Керісінше, өзін алға сүйреп, әр нәрсені білуге тырысатын. Теледидардан мақал-мәтелдерді естіп, мағынасын түсіндіріп беруімді сұрайды. Кейін мақалдағы суреттелген жағдаймен ұшырассақ, мағынасы осы екен деп есіне түсіріп жатады.

Диагнозы: ДЦП спастико-гиперкинетическая форма. «Қасиетті жол» қайырымдылық қорымен 2015 жылдан бері таныспыз. Бүгінде басқа оңалту орталықтарына бармаймыз. Әр келген сайын жақсы нәрсені іліп кетеміз. Қазір баяғыдай тырыспаймыз, көп емді еркін аламыз. Келген кезде аяқ-қолын жинап емдердің көбіне мүмкіндік бермейтін. Ал бүгінде велосипедке еркін отырып, аяғымен тебеді. Айта берсек көп, кішкентай жетістігіміз болса да біз үшін үлкен қуаныш.

Қызымыздың әр арманын орындауға тырысамыз. Қыркүйек айында Семей қаласында «Бақытты отбасы» отбасылық сайысы өткен болатын. Ақтілек қоймастан, бәрімізді көндіріп сайысқа қатысуымызды өтінді. Көңілін қалдырмайық деп қызу дайындалдық. Күнде Ақтілек бізге «Көресіндер намысты қолдан бермейміз деп» жігерлендіріп отыратын. Кейін сол күш-жігердің арқасы болар, бас жүлдені қанжығамызға байладық.

Бас жүлдені алғанымызды хабарлаған кезде Ақтілектің шыңғырып, қуанғанын көрген кезде, бойыма жерді аудара алатын күштің қонғанын сезіндім. Сайысқа қатысқанымызға қатты қуандық сол кезде. Нағыз бақыт - балаңның риясыз қуанған бақытын көру екен.

Ақтілек басқа балалармен қатар білім алуы үшін тағы да оңалтудан өтуі керек. Оны әрине қайырымды жандардың көмегінсіз жүзеге асыру мүмкін емес. Бала арман жүзеге ассын десеңіз барыңызды аямаңыз.

Біз көп болсақ, 1 теңге де көп!
Собрано17 799 ₸ Требуется512 716 ₸
Помочь Актилек
img
1 год

Арлан

Бүгінгі әңгімемізді Арлан есімді балапанға арнағымыз келіп отыр. Арлан қазір 2 жаста. Диагнозы сал ауруының орташа деңгейі. “Бұған себеп уақытынан бұрын 5 айлық кезінде дүниеге келуі”- деп сөзін бастады анасы Индира.

Арлан “Қасиетті Жол” қайырымдылық қорының “Балапан” ерте араласу орталығына алғаш рет 2018 жылдың қыркүйек айында келіп, бүгінде оңалтудан 5 рет өтті.

«Алғашқы курста-ақ арқасында жатып ішіне, одан қайтадан арқасына жатып қуантты. Бұл - қуанышты сәттеріміздің тек бастамасы ғана екенін түсіндім. Сол серпінмен 2-айналымға да келіп Арлан ішін көтермей жорғалап бастады. 3-рет келген кезімізде «папа», «мама», «әкел» деген алғаш сөздерін айтты. Сол күннен, Арлан ұнайтын нәрсесін көрсе, қолын созып «әкел, әкел» деп сұрай бастады. Балаңның қажеттілігі мен қалауын сұрай білмеуі қаншалықты маңызды, ата-ана үшін қандай қуаныш екенін жәй сөзбен жеткізу мүмкін емес.

Балам дүниеге келген кезде мұндай серпіліс болатынын ойламаппын да. Уақыт өте сапалы реабилитация керек екенін ұғынып, кейін 4-рет келдік. Содан балам қолдаумен отырып, сол қолының ұсақ моторикасы жақсарды. Ал қазір Арлан аяқ-қолын бірдей тіреп тұруға тырысады. Сонымен қатар өзіміздің емдік дене шынықтыру инструкторымыз Айбар ағайдың есімін «Айбар» деп айта бастады. Басында жақындатпайтын, ал қазір үйренді Айбар мырзаға,- деп күлді Индира.

Қазір Арлан «Балапан» ерте араласу орталығынан, 2 жастан асқан балаларды қабылдайтын «Қасиетті жол» оңалту орталығына ауысты. Алда мақсат көп, тек оған жету үшін тынымсыз еңбек пен сапалы оңалтуды үзбей жалғастыру керек.

Ал сіз бен бізге Арланның тұсау кесу тойын тойлауға жазсын. Баламыздың өміріндегі маңызды қадамы бізбен сізге тікелей байланысты.

Біз көп болсақ, 1 теңге де көп!
Собрано11 751 ₸ Требуется272 896 ₸
Помочь Арлан

;